Dink Oudtshoorn gaan vandag ‘n WMB kry!?
Dink Oudtshoorn gaan vandag ‘n WMB kry!?
Watwou! Ons het dan twéé!
As jy die twakpraatjies op Verwoerdplein glo het Oudtshoorn tans twéé munisipale bestuurders – albei waarnemend; een tydelik.
Weet wat werklik aangaan; weet 1ste!
Klik hier om ‘n e-pos te ontvang wanneer daar ‘n nuwe berig op OudtshoornOnline verskyn.
Klik op die advertensies.
Oudtshoorn. 12 Maart 2010. 06h150. André P Brink het hier in die sewentigerjare – ‘n vriend van my op Stellenbosch het die vergeelde knipsel op die notabord in sy verskriklike deurmekaar kantoor – gesê iemand het twak gepraat. En, het hy bygevoeg, twak is darem so ‘n lááng woord.
Daar’s baie lang woorde gesprak die afgelope week.
Van “excellent legal opinions” tot “best brains” tot ‘n raad wat eenparig “eksepsie neem” teen die “onwettige optrede van die burgemeester” om later te moet verneem dat die burgemeester se optrede glo nié onwettig was nie…
‘n Mediaverklaring wat uitgereik word en teruggetrek word deur die “tydelike waarnemende munisipale bestuurder” wat verklaar: “As a result of the absence of the Acting Municipal Manager, Mr. Wessel P. Rabbets…”
Oudtshoorn is “bevoorreg” om tans twee munisipale bestuurders te hê: ‘n Waarnemende munisipale bestuurder – Wessel Rabbets – wat Maandag gesê het hy is nie beskikbaar vir ‘n verdere termyn as MB nie en wat aan verskeie mense sedert verlede week gesê het dat die Pietersen-uitspraak verlede Vrydag sy kontrak as MB beëindig het en…
‘n Tydelike waarnemende MB – Keith Jordaan – wat in ‘n amptelike verklaring verwys na die “Acting Municipal Manager, Mr. Wessel P. Rabbets“.
Dit was letterlik skreeusnaaks om die onbeholpe, onkundige geheenenweerdery die afgelope week te aanskou.
Rabbets het baie male met vele mense gepraat – heeltemaal te veel mense en te baie gesprekke vir iemand wat nie meer munisipale bestuurder wil wees nie.
Rabbets sê hy is nie meer MB nie – as gevolg van die Pietersen-uitspraak; Rabbets sê hy is nie beskikbaar vir ‘n verdere termyn nie – as gevolg van familie- en sakeverpligtinge; Rabbets sê sy kontrak het verstryk; Rabbets vra wat die status van sy kontrak is; Rabbets sê hy kom volgende week Oudtshoorn toe om sy goed te kom haal; Rabbets maak ‘n verklaring op 9 Maart wat op 10 Maart onttrek word… van ‘n professionele bestuurder kan meer verwag word.
Verwoerplein: Beroerdplein.
Raadslede en amptenare: Die vaalhuisies in Bongolethu val uitmekaar; daar’s ‘n onheilige gemors met huise in Rosebank; werkloosheid in Dysselsdorp is onrusbarend; die munisipaliteit word geplunder…
En, terloops, wié gaan tydens vanoggend se spesiale raadsvergadering, wat om 10h00 begin, “waarneem” as MB – synde die “best brains” die tydelike waarnemende MB slegs aangestel het tot… 10h00 vandag!?
Die Oudtshoorn munisipaliteit: Wat ‘n siek grap! Oudtshoorn verdien béter!
Klik hier om terug te gaan na die OudtshoornOnline voorblad
Klik hier om ‘n e-pos te ontvang wanneer daar ‘n nuwe berig op Eden24 verskyn
Hier kom ‘n ding !! Die munisipaliteit is miskien besig met ‘n enorme aksieplan. Ons gaan nou dubbel die diens en werkverrigting kry. Twee bestuurders = dubbel dienslewering
heh-heh! ”Fools rush in where wise men never go!”
RIEMPIE, JY HET N PUNT BEET,MAAR WORD DIE EEN OU NIE DALK N KONSULTANT OM DIE ANDER EEN TE HELP OM AL DIE BOLLIE ”TE BOUNCE” NIE? JY VERSTAAN NE? –MAN SOOS 2 OUENS WAT TENNISBALLE HEEN EN WEER SLAAN! VERSTAAN JY?
Dear Ed
Wait till we see the termination costs, bonuses and legal costs for either or both when one or both “deals” are terminated or they take “early leave” of their new appointments!
I wonder if our ever-absent “Council Advocate” and our esteemed Councilors have applied their minds and sorted the employment contracts for these two senior appointments timeously, correctly and backed up by the ever “excellent legal opinion” syndrome to be able to unscramble the cost and legal “agi-bargi” which undoubtedly flow from this unholy mess and maladministration!?
An the Ratepayers are supposed to pay for this circus!!!?????